Borgarfjarðardalir.
Vegir og símar um þá.
Þar þótti byggilegt með gamla
laginu. Landgæði eru þar mikil og
f jenaðurinn því arðsamur, sem var
aðalatriðið, meðan mest var lifað
og nærst af afurðum hans, eins
og þær lögðu sig í búin daglega.
En síðan búnaðarhættir breyttust
og búskapurinn gerðist háður örum
samgöngum og verslun, hefur
þar þótt afskekt og naumast
byggilegt á sumum jörðum, vegna
þess að minna er þar um akfæra
vegi, símasambönd og greiðar
samgöngur en annarsstaðar í nágrenninu.
KUfberaflutningur þykir
nú neyðarúrræði, óviðfeldmn og
dýr, og er það, eins og viðskiftunum
nú er komið. Hefur því legið
nærri, að sumar jarðar þar legðust
í eyði, síðan vinnufólkið varð
torfengið og svo kaupdýrt, sem
nú er.
En hlynna verður að þvi, að
þar þyki búandi eins og áður.
Samgöngutækin verða þar að gera
hið sama og annarsstaðar: efla
hag manna og vellíðan.-
Einkum eru það Skorradalur og
Lundar-Reykjadalur, sem enn eru
illa settir með samgöngur. 1
Skorradal tekur hið mikla vatn af
undirlendið um dalinn miðjan og
er strjálbýlt meðfram því, svo
hætt er við að dráttur verði á, að
gera bílfæran veg inn í bygðina
fyrir ofan vatnið. Þó eru langir
kaflar beggja megin þess greiðfærir
fyrir bíl með lítilli viðgerð
(malarstrendur og eyrar). Nokkur
hluti leiðarinnar hvorum megin
þarfnast vegargerðar eða verulegrar
lagfæringar til að vera akfær.
En vatnið er raunar góður
vegur, og væri til við það hreyfilbátur,
sem flutt gæti a. m. k. 2
tonna þunga, ætti hann að geta
annast flutningaþörf framdælinga
að sumrinu; og að vetri til er isinn
oftast besti vegur fyrri sleða.
— Skorrdælingar verða þó að fá,
áður langt um líður, ökuslóð inn
í bygðina fyrir ofan vatn. Að
norðanverðu er að mestu sjálfgerð
braut f rá Grund inn á Gunnarseyri,
en þaðan að Selgili í
Fitjahlíð, sem er langur kafli (c.
6—7 km.), þarf víðast mikla
vinnu til að ryðja braut. Auðgerðara
er það sunnan vatnsins.
Þar er það einkum á kaflanum frá
Þófagilseyri inn fyrir bæinn í
Svanga, c. 11/2 km. að lengd, sem
lagfæra þarf til muna.
Síma í efri hluta dalsins ætti að
leggja frá Stóru-Drangeyri (þar
sé símastöð) að Vatnshorni eða
Fitjum. Hefur verið gert ráð fyrir
síma að Fitjum úr Lundar-
Reykjadal (frá Brennu). Það er
yfir haan og brattan háls, mjög
erfiða flutningsleið. Þó leiðin frá
Drageyri sje nokkru lengri (að
Fítjum), er hún að öllu öðru hagkvæmari
og tiltækilegri.
Þegar kaupstaðabúar fara að
fá greiðar samgöngur til hins
fagra, skógivaxna, heilnæma
Skorradals, og njóta þar hressingar
í sumarleyfum sínum, verður
Stóra-Drangeyri, tilvalin miðstöð
dalsins. Þar ætti að hafa hreyfilbátinn,
sem um vatnið gengi, og
bílveg þaðan inn í dalinn. — Á
Drageyri er mikið og auðræktað
túnefni. Bílvegurinn frá Hvalfirði
um Geldingadraga, sem nú
er að verða f jölfarnasta leið milli
landsfjórðunga, liggur þar hjá
túni og símalínan skamt frá.
Lundar-Reykjadalur hefur og
verið án nútíðarsamgöngutækja.
En nú er verið að byggja veg inn
í dalinn frá þjóðbrautinni við
Mannamótsflöt. Þegar sá vegur er
kominn inn fyrir Skarð, sem máske
verður nú í haust, má með
smáviðgerðum á stöku stað gera
bflfæra stðð inn í dalbotn og
áfram austur fyrir Þverfellsenda.
Milli Þverfells og Uxahryggs er
graslendiskafli, og þarf þar að
gera vegarbót, svo bílfært sje.
Uxahrygg má ryðja (þó stórgrýtt
sje þar á kafla); en milli
hans og Biskupsbrekku, þarf vegargerð
á nokkrum kafla.
En þá er komið á bflveg þann,
sem nú er notaður, þegar farinn
er Kaldidalur. Og þetta er sú


Lögrétta , 36. tölublað
Skorradalur og Lundar-Reykjadalur, sem enn eru illa settir með samgöngur. 1 Skorradal tekur hið mikla vatn af
Miðvikudagur, 3. september 1930 , Blaðsíða 2-3

Hæ, bálið brennur

Sú hefð hefur skapast hjá Sumarhúsafélögum í Skorradal að efna til varðelds um verslunarmannahelgina. Hingað til hefur ekki verið sérstök brenna á Hvammssvæðinu. Hafa margir sumarhúsaeigendur á Hvammssvæðinu nýtt sér brennuna á Vatnsenda. í sumar var breyting á og var kveiktur varðaeldur á ströndinni fyrir neðan Hvammsbæinn. Þar fengu gestir á Hvammssvæðinu tækifæri til að hittast og spjalla og syngja saman. Bestu þakkir til Skúla og Birgis sem höfðu veg og vanda að brennunni. Settar hafa verið inn myndir frá þessum atburði á myndasíðunni.

Þekkið þið þennan bát?

Þessi bátur var að velkjast í fjörunni við Litlu Drageyri 30 ágúst. Eins og áttin var um helgina gæti bátinn hafa rekið frá Hvammmi, Vatnsenda eða Dagverðarnesi.

Rotþrær hnitsettar - Skilaboð frá Skorradalshreppi

Þessa daganna er Ólafur Guðmundsson fyrrverandi byggingafulltrúi að hnitsetja rotþrær. Er hann byrjaður í Vatnsendahverfinu og Fitjahlið. Fer síðan á Indriðastaði, Hvamm og Hálsa.

„Í næstu viku verða rotþrær hnitsettar og í framhaldi verða þær hreinsaðar af Hreinsitækni ehf, en stefna að byrja fyrstu daganna í september. Er því óskað að lóðaeigendur merki rotþró sína með stöng eða veifu og hreinsi gróður frá, þar sem það á við, til að auðvelda losunina. Einnig grafi upp stúta sem eru niðurgrafnir.“

Með kveðju og fyrirfram þökk.
f.h. Skorradalshrepp

Pétur Davíðsson

P.S. Að auki má benda mönnum ef þeir eru með læstar keðjur við heimreið að skilja þær eftir ólæstar svo Ólafur geti komist að rotþrónum með tæki sín og tól. Félagið mun leita frétta af framvindu verksins svo félgsmenn geti fylgst með.

Félag sumarhúsaeigenda í Hvammi opnar heimasíðu

Félag sumarhúsaeigenda í Hvammi hefur opnað heimasíðu fyrir félagsmenn. Á heimasíðunni okkar getur þú fengið upplýsingar um starfsemi Félagsins. einnig er hér að finna myndefni sem tengist svæðinu.
Á fréttasíðunni flytjum við fréttir af því helsta sem er að gerast á Hvammssvæðinu og af málefnum sem tengjast Skorradalnum. Einnig tökum við fagnandi á móti aðsendu efni
Undir liðnum “Félagið” eru upplýsingar og stjórn félagsins, lög og reglugerðir, fundargerðirn og annað sem tengist félaginu.
Á myndasíðuni birtum við myndir úr Skorradalnum. óskum sérstaklega efir að fá myndir frá félgsmönnum. Ekki er verra að fá góðar sögur með.
Ef þú vilt koma á framfæri athugasemdum um síðuna, félagið, senda skilaboð til stjórnar, eða senda okkur efni má gera það í gegnum liðinn “Hafðu samband” .